Sherman Forum 鍾舒漫國際歌迷論壇

標題: (31/01/2010)鍾舒漫Mr.聲聲相惜[東方日報] [打印本頁]

作者: ｙinn 時間: 2010-1-31 09:33 標題: (31/01/2010)鍾舒漫Mr.聲聲相惜[東方日報]

鍾舒漫是實力派歌手，只待機會爆出來。

鍾舒漫憑《給自己的信》在頒獎禮上屢獲殊榮。

鍾舒漫認為藝人容易迷失，最緊要知道自己做緊乜。

不是所有歌手都能遇上好歌，去年鍾舒漫與樂隊Mr.似乎都得到幸運之神眷顧，各自得到一首熱爆好歌，而他們亦不負所託，在剛過去的頒獎禮上，順利狂掃多個獎項，這兩個人氣單位又如何看對方呢？

鍾舒漫與樂隊Mr.看似是「大纜都扯唔埋」的兩個單位，其實他們早就互相欣賞，鍾舒漫說：「Mr.出道時，已經有留意，因為佢哋全部都係靚仔，哈！」Mr.不諱言初出道的鍾舒漫太性感、形象太野性，他們說：「好坦白，我哋都有睇過佢嘅泳裝造型，之後聽佢嘅歌，覺得佢係個幾有力量嘅女仔，最近呢個形象好過以前，依家型得嚟又有自己個性，好啱佢。」成員MJ大讚她有唱功，而且是個用心唱的歌手：「見佢出席每個頒獎禮都會喊，就知道佢真係好畀心機唱。」Tom亦喜歡她夠真又有實力：「我有聽過佢唱英文歌，真係好勁，佢只係等緊機會爆出嚟，佢喺頒獎禮有咁好成績都戥佢開心！」

五子造型親切
鍾舒漫亦認為Mr.是不可多得的樂隊，因為他們很有自己的想法，她說：「佢哋唔係興乜就做乜，呢條路好唔容易行，而且佢哋仲做到成績出嚟。其實每年都會有Band出嚟，但下年就唔見咗，Mr.的確為Band擴闊咗好多！」她更大爆Mr.五子有時會自己設計造型：「佢哋唔係必定要有造型師、化妝師同髮型師，可以自己執衫，我覺得咁先可以凸顯到自己風格，感覺仲好Down To Earth、好親切。」她坦言有時候為免不浪費資源，都會充當自己的造型師、化妝師及髮型師。

鍾舒漫的《給自己的信》及Mr.的《如果我是陳奕迅》，同樣受歌迷及外界擁戴，他們今年會否再推出同系列的歌？兩個單位即異口同聲表示機會不大，鍾舒漫說：「今次work唔代表下次都work，如果再用給咩咩咩的信，人哋只會覺得你食住條水，作歌最緊要有message（訊息），風格上都想有唔同變化，不過最開心係有Joey（容祖兒）撐，係佢主動提出要合唱，我知道後好有被愛嘅感覺。」

帶大家開心
Mr.成員Ronny笑言如果主音Alan再被指似另一個歌手，他們或會考慮再寫《如果我是XXX》，Ronny說：「因為呢首歌真係唔係想搞gimmick（噱頭），唔係要譁眾取寵。」鍾舒漫亦大讚《如》的背後理念好：「就算冇聽過，都知道今年有《如果我是陳奕迅》呢首歌，我好鍾意佢哋寫呢首歌嘅原因，就係想帶開心畀人，而佢哋又覺得陳奕迅係個好開心嘅人物，好正面！」

唔做扯線公仔
問他們會否計劃合作？成員Dash即笑言：「咁寫首《給鍾舒漫的信》啦，講笑咋，等佢開口先啦，我哋好期待。佢真係rock，有啲歌手可能覺得fing幾吓頭就係，不過佢真係rock得起！」鍾舒漫直言很希望合作，因為Mr.令樂隊歌曲更深入民心：「雖然佢哋鍾意Band Sound，我就鍾意R&B，不過都想試下可以有咩火花，因為我哋都好清楚自己想做咩，有晒自己嘅方向，唔鍾意做扯線公仔！」她坦言做藝人很容易迷失，很多人都會不知道自己適合做甚麼，她慶幸有個人主見之餘亦獲唱片公司支持：「就算唔係完全跟晒我嘅諗法，起碼都會聽，溝通真係好重要！」

上位有難度？
作為上位中的歌手，鍾舒漫與Mr.難免要面對各種是非、難題，他們的心態如何？

Band房努力
Mr.：最近的確多咗工作，但係三月就開演唱會啦，真係好想多啲時間夾Band，因為Mr.大部分好聽嘅歌，都係我哋幾個喺Band房『磨』出嚟，依家真係少咗呢啲時間，不過我哋就算唔一齊夾，都會各自練習，努力保持住狀態。

最緊要謙卑
鍾舒漫：加入娛樂圈可能要面對好多負面新聞，不過最緊要知道自己想點，行為要適合自己身份，而且要謙卑，有時都冇得驚咁多，只可以愈驚愈去面對，有啲生安白造嘅是是非非，只要自己知道唔係真就得，但係如果真係自己做得唔好，就應該謙卑咁承認、改過。

作者: 椰頭 時間: 2010-1-31 10:12

我都好期待快d有《給鍾舒漫的信》呀!!!!XDDD

作者: Kim 時間: 2010-1-31 10:26

好耐冇見sherman咁pink La
我都好想佢地合作但以佢地公司o既關係真系呢世都吾洗諗

作者: cty;) 時間: 2010-1-31 11:07

haha如果係就好
我兩個都好中意

作者: ?幻影卍晴? 時間: 2010-1-31 12:09

哇好中意mr同sherman<3!

作者: peg 時間: 2010-1-31 12:26

希望 2010 年 Sherman 可以 crossover MR. / Jason

作者: nganying 時間: 2010-1-31 12:27

《給鍾舒漫的信》正啊!!!!!! 好鐘意哩篇報道

作者: ah琪:) 時間: 2010-1-31 12:58

佢地合作會正到喊

作者: 草食男 時間: 2010-1-31 18:15

" 鍾舒漫是實力派歌手，只待機會爆出來 "

佢地合作會好正!!

作者: nym 時間: 2010-2-1 00:03

i like both MR. and sher too ;D
but i think their cooperation can be a great promotion to both parties ah xD
although eeg and universal....ai ...

作者: ftym2010 時間: 2010-2-1 16:11

型到爆!!!!!!!

歡迎光臨 Sherman Forum 鍾舒漫國際歌迷論壇 (http://forum.chungsherman.com/)