Sherman Forum 鍾舒漫國際歌迷論壇

標題: (30/07/2010)鍾舒漫鍊到盡日睡三粒鐘[2份報導] [打印本頁]

作者: 草食男 時間: 2010-7-30 12:44 標題: (30/07/2010)鍾舒漫鍊到盡日睡三粒鐘[2份報導]

(30/07/2010)鍾舒漫鍊到盡日睡三粒鐘[太陽報]

鍾舒漫最近忙個不停，莫說談情說愛，連休息時間也欠奉。

最近工作忙碌的鍾舒漫（Sherman），同時宣傳新書及新碟，連休息時間亦欠奉：「每日瞓得兩三個鐘，係我人生極限，不過得到好大滿足感！」並直言對處女寫真散文繪本寄予厚望：「裏面有好多繪本作品，算係完成細個心願！（有性感相？）最緊要啲甫士同意識令人覺得有型同充滿藝術感，好多外國模特兒都影Topless（無上裝），仲影得好靚添！」

鍾舒漫對新專輯寄厚望，希望再下一城。

另外，Sherman去年憑《給自己的信》狂掃多個獎項，問到會否對新專輯倍感壓力？她說：「做嗰陣冇，但做完就有！朋友都話要我Keep住個勢，如果唔係驚後勁不繼，不過呢啲嘢冇得預測，最緊要係做到最好！」甚少傳緋聞的她直言無暇談情：「之前有遇過鍾意嘅人，但唔算係拍拖！（要靚仔？）入行後見得太多靚仔，佢哋唔會咁易令我動心！」

作者: 草食男 時間: 2010-7-30 12:50

(30/07/2010)鍾舒漫見慣世面對靚仔冇Feel[東方日報]

剪了短髮的鍾舒漫，好運持續。

鍾舒漫（Sherman）最近忙為新書及新碟宣傳，忙到連談情說愛的時間也欠奉。Sherman坦承曾遇到意中人，惜無暇發展，她又笑稱入行後見過太多靚仔，對靚仔不再動心。

自從剪了短髮後，鍾舒漫的好運持續，去年憑《給自己的信》勇奪不少頒獎禮大獎，最近又馬不停蹄為新書及新碟宣傳。由於上張專輯反應理想，令伊人倍添壓力，她說：「今張專輯會爭取多啲自己作曲，未必話要好專業，但至少要有進步，而所有歌曲都好正面，係正能量嘅專輯。（壓力大過上次？）做嘅時候冇乜，但做完真係有，朋友都叫我要Keep住個勢，如果唔係擔心後勁不繼，但呢啲嘢預測唔到，我只係喺我能力範圍內做到最好。」

鍾舒漫表示最近忙到連談情說愛時間也欠奉。

內涵重要
Sherman過往予人冷若冰霜感覺，但最近她的笑容多了，她笑稱：「以前可能繃緊啲，而且我個人向來慢熱，笑多咗都係自然流露。」由於工作忙碌，令Sherman無暇談情，她說：「之前有遇過鍾意嘅人，但唔算係拍拖，而且拍拖我都唔會死衝，會慢慢觀察。（冇時間約會？）呢排忙到冇期。（要靚仔？）入行後見得太多靚仔，依家啲靚仔唔會令我咁易動心，吸引我嘅真係內涵同性格。」

出書圓夢
另外，Sherman對首本寫真散文繪本寄望甚殷，她說：「裏面有好多自己繪本作品，算係完成細個心願。（有性感相？）最緊要啲甫士同意識令人感覺有型同充滿藝術感，好多外國模特兒影Topless，都可以影得好靚同好睇。」

作者: Tako 時間: 2010-7-30 12:52

見得靚仔多-__________-

作者: 失而復得 時間: 2010-7-30 12:58

sherman真係好運陸續降臨

作者: ikibaby 時間: 2010-7-30 13:22

Sup sherman
Thx for sharing

作者: 明治 時間: 2010-7-30 15:18

剪了短髮的鍾舒漫，好運持續。
咁即係唔會留返長係咪咁????

作者: emily_wwt 時間: 2010-7-30 15:29

加油!SHERMAN!

作者: Lyh 時間: 2010-7-31 00:15

因为我地喺小sherman嘅fans
所以妳努力嘅时候我地个个都知!
很显然嘅事!!
.............
靓仔就唔一定有内涵同性格嘅又
但有内涵同性格又吾一定喺好靓仔
女仔都喺想简啲同佢互相吸引到嘅.温柔嘅.体贴嘅.够细心嘅男仔
我就喺中意小sherman咁个性化!!

[ 本帖最後由 Lyh 於 2010-7-31 00:18 編輯 ]

作者: R.Ng 時間: 2010-7-31 11:22

陰功豬lorrrrr..
唔好訓咁少啦~

歡迎光臨 Sherman Forum 鍾舒漫國際歌迷論壇 (http://forum.chungsherman.com/)