標題:
[報道]
Face Weekly Vol.175 容祖兒御准 林欣彤400萬賣身楊受成
[打印本頁]
作者:
zekezeke
時間:
2010-9-29 12:18
標題:
Face Weekly Vol.175 容祖兒御准 林欣彤400萬賣身楊受成
容祖兒御准 林欣彤 400萬賣身楊受成
2010年09月29日
第二屆《超級巨聲》落幕兩週，冠軍林欣彤（ Mag）人氣繼續上揚，人人以為小巨肺被無綫縛死 8年當係寶，本刊獲得獨家消息，英皇以香港樂壇史上新人天價 4百萬，成功利誘無綫賣女！
以為英皇御准要睇老闆楊受成頭，原來還得靠金蛋一姐容祖兒開綠燈召新女入宮，背後無非為要擠走眼中釘泳兒同鍾舒漫。巨肺變小花，林欣彤賣聲之餘，可能日後要學吓點樣宮心計先得喇！
首屆《超級巨聲》由內地歌手王雯獲得，香港人點都難投入，所以全陀地嘅巨聲二班人氣高幾條街，尤其 20歲的 IVE學生林欣彤愈戰愈勇，唱紅 G.E.M.首〈 A.I.N.Y.〉再攞埋冠軍，一夜間成為全民偶像，面書支持者過十萬、 TVB官網人氣強過小生花旦，唱得又有觀眾緣，未出道已盛傳有 9大廣告商、兩部電影搵上門，各大唱片公司揸 fit人更加吼實。
各大唱片開出的搶人條件中，以英皇同東亞最啱 TVB嘴形，不過又以楊受成一口價最得 TVB歡心，唯一斟酌係英皇開出要同 TVB共同擁有林欣彤的經理人合約，將來為林接 job有錢齊齊搵，免幫 TVB義務養女。
楊受成@英皇一口價
4年 400萬
*與無綫共同擁有經理人合約
林建岳@東亞簽 5年
首年 20萬，每年加 20萬
5年共 300萬
睇錢份上
參加《巨聲》初，所有參賽者先要簽下協議，不論輸贏三年內不得參加同類型比賽、不得簽約其他娛樂公司，三甲勝出者更是除了無綫別無他選。
不過今屆情況明顯因為林欣彤有變，被網友熱捧聲靚、感染力勝過專業歌手的林欣彤，竟然被多間唱片公司出價力爭，部分企圖靠誠意打動的小型唱片公司早被無綫拒絕，最後只是東亞、英皇兩間龍頭娛樂公司之爭。據知東亞斟酌與林欣彤簽下五年合約，首年 20萬酬勞、再逐年加 20萬共 300萬已相當吸引，但都未夠英皇一口價 400萬 4年合約史無前例大手筆，誓要搶贏林欣彤。
問准一姐
今屆《巨聲》人氣高企，業內人士及不少藝人歌手都是 fans，未到決賽，英皇娛樂行政總裁吳雨已經公開表示主動搵過樂易玲傾合作：「睇電視已經覺得佢表現好好、有觀眾緣，把聲又好靚好有潛質，不過而家只係商討階段，未講細節！」
據悉吳雨口中的細節，其實是未知英皇一姐容祖兒意下如何，原來祖兒亦一直有留意 Mag在《巨聲》中的演出，舉腳贊成英皇多簽唱得的女歌手，容一姐更曾在會上說：「要簽梗係簽啲唱得嘅返嚟啦！」獲得一姐首肯兼老闆正式拍板，吳雨才去馬與樂小姐傾細節。
鏟除異己
據知情人士透露，唱功了得以外， Mag年紀小、經驗淺，由容祖兒御准加入英皇後，理所當然埋自己堆，最重要的，還是能趁勢鏟走泳兒、鍾舒漫兩個眼中釘：「泳兒恃住楊生錫又唱得，竟然喺公司挑戰祖兒擺一姐款，佢哋兩個不和好耐！所以祖兒同英皇續約，首要條件就係泳兒入冷宮。而全公司個個埋祖兒堆，係鍾舒漫黐泳兒，梗係當佢哋兩個係同黨啦！泳兒同鍾舒漫兩個不嬲搵唔到錢，已經危危乎，簽咗 Mag返嚟， 2011預算案一定係集中資源力谷，唔會有錢剩畀泳兒同鍾舒漫出碟，咁咪可以鏟走眼中釘囉！」
一舉兩得之下，一姐祖兒舉腳贊成簽小巨肺，現時還未落筆，是因為英皇提出要與無綫平分（共同擁有）林欣彤經理人合約的要求，尚在拉鋸之中。不過錢最親嘅無綫，睇怕好易妥協。
紅透無綫
人氣急升的林欣彤決賽晚以大熱姿態獲得冠軍，兩週以來所到之處都是焦點， facebook多個群組粉絲累積過 10萬，而 TVB官網累積瀏覽人次逾 170萬，連無綫藝人 blog排行榜都力壓佘詩曼、林峯等當家小生花旦名列第一。
一姐只得一個
出道 10年的容祖兒是英皇第一代小花，又是愈戰愈勇的樂壇天后，兼且係英皇金蛋，老闆楊受成、金牌經理人 Mani錫到燶，師妹師弟個個爭埋堆，惟獨泳兒斗膽自認一姐、鍾舒漫敵我不分，成為一姐眼中釘。
近年泳兒和鍾舒漫投資多但回報率少，可以賺錢機會微，加上兩人唱片的銷量也是 5,000左右，冇肉食。
鍾舒漫︰阿 Mag唱歌好西化，好獨特，但我就冇聽過佢會做我師妹囉，做好自己本分，我唔會諗會唔會因為佢自己就冇得出唱片……
賣女經典
1998年，年僅 18歲的張栢芝從澳洲求學回港，被朱永龍發掘簽為旗下藝人。甫出道即演出檸檬茶廣告再被周星馳睇中出任《喜劇之王》女主角，迅速成為歌影紅人， 03年栢芝與朱永龍鬧翻對簿公堂，一年後達成協議停止訴訟，有傳是栢芝靠向太（中國星）出手，出價 400萬贖身費才讓朱永龍放手賣女。
新人天價
依照常例，香港樂壇新人由簽約計起，受訓、化妝、髮型、置裝及交通一概先由公司墊支，賺錢後再攤還。今時今日唱片市道差，新人就先靠出碟打響名堂，拍廣告、拍戲、登台、出席商場活動才是收入來源，為保利潤，現時多數唱片公司同時擁有藝人經理人及唱片合約，林欣彤未出道，無綫已隨時收英皇 400萬賣女費，經理人合約仲要同兩家攤分，咁林欣彤就預咗未來四年年中無休搵銀，英皇先回本！
採訪、撰文：娛樂組
攝影：攝影組
作者:
Tako
時間:
2010-9-29 13:25
簽英皇-_______-救命...
作者:
椰頭
時間:
2010-9-29 13:34
face d相可唔可以正常少少...?= =
我想mag簽東亞..簽EEG真係無咩運行......
作者:
Man
時間:
2010-9-29 14:03
謝謝Alice
希望這篇報道能讓大家意識到為甚麼我一直以來都這麼緊張地鼓勵大家出來撐funz。這篇報道雖未能證實其真確,但至少告訴了我們外間是怎樣看Sherman的人氣。有很多人都說怎樣愛Sherman,但又有多少是真的有實質行動?有些更過份得連碟也不買,還敢在Sherman面前說下載了全碟歌曲!這些就是現今粉絲們該做的事嗎?!
我也當過小粉絲,也明白沒有人喜歡被管束,所以對待任何一位有拿出真心來支持Sherman的粉絲,我也待之以誠,不會談甚麼規則,亦會了解大家的難處和需要。但是一些明顯沒打算拿出真心來支持Sherman的人,對不起,我沒時間再花心機去解釋為甚麼要撐funz,也相信正常來說大家應已明白到撐funz的重要性;那些是有心卻有難處、那些是無心卻滿口空話的,我還懂得分,也就請別再怪我有所偏坦了!
我相信這裏還有不少有心人,只差點決心,希望從今天起能看到你們會出來支持Sherman,謝謝!
作者:
peg
時間:
2010-9-29 19:13
鍾舒漫剪左短髮同開左微博之後
內地人氣真係好左堅多
不過香港方面真係不敢恭維
如果蛋蛋真係繼續抱呢種心態去捧星
就算俾林欣彤加入都係得個吉
作者:
Lyh
時間:
2010-9-29 19:17
當我早上睇到這份報導的時候,真的很心寒,也很心酸
也終於明白到Sherman的是什麼了...很大壓力和很大的恐懼...
我每次都花光我所有的心機去對這類型的話題抒發出心中的聲音
因為....這不只口頭上所說喜歡Sherman那麼簡單.我知道的!!!
不知為何..見到Sherman的時候,原先計畫好想同Sherman打氣的說話都沒講成....因為見到她面帶笑容...還是算了...
能向別人說出自己心裏最真實的話,有時是一種鼓勵
但我想.很多人都不太夠膽說而已..
這份報導....我眞覺得心寒.
作者:
ikibaby
時間:
2010-9-29 19:23
背後無非為要擠走眼中釘泳兒同鍾舒漫。
eeg can't do it ga~!
sherman is very well !!!!!!!!!!!!!!!
作者:
benlau007
時間:
2010-9-29 21:30
其實我都想出funz加...不過仲係讀高中,成日都好忙
我覺得sher比人咁寫問題唔係在於佢地本身,而係冇好ge歌同足夠宣傳
講真有一首廣告歌都唔同好多啦
作者:
kiwi
時間:
2010-9-29 22:28
SHERMAN加油呀
作者:
~我愛喵喵~
時間:
2010-9-30 00:48
怎麼EEG真的那麼黑暗嗎...?!
報導得很恐怖啊...
(我要衝漫幣...)
作者:
苑萌
時間:
2010-9-30 16:53
阿mag簽英皇=.=!!!!
sherman俾心機啦...唔好衰俾人睇啊....
歡迎光臨 Sherman Forum 鍾舒漫國際歌迷論壇 (http://forum.chungsherman.com/)
Powered by Discuz! 6.0.0
