標題:
(15/04/2011)鍾舒漫憑歌寄意機不可失[2份報導]
[打印本頁]
作者:
草食男
時間:
2011-4-16 11:49
標題:
(15/04/2011)鍾舒漫憑歌寄意機不可失[2份報導]
(15/04/2011)鍾舒漫憑歌寄意機不可失[東方日報]
身為教徒的鍾舒漫（Sherman），有感人生無常，她希望透過歌曲輸送正能量，並鼓勵大家要把握機會，想做就做；談到前緋聞男友張致恒早前接受浸禮，Sherman大讚對方生性及成熟很多。
信教多年的英皇小花Sherman，除了愛與朋友分享聖經經文外，亦喜歡透過歌曲發放正能量。談到新歌《Take it》播放率不俗，她說：「歌詞都幾『洗腦式』，首歌充滿正能量，想話畀大家知，若然遇上任何機會，就應該好好把握，人生唔係好長，今日唔知聽日事。（緊張銷量？）依家唔會，反而留意口碑多啲。」
出道五年的Sherman今年計劃多多，除推新碟《It's a beautiful day》外，稍後更會於書展出書及與友人合資開舖，十分忙碌。問到是否出書撼o靚模？她說：「冇話撼唔撼，今次考慮以Post card形式出書，有自己啲畫作，同佢哋屬唔同類型嘅書，其實o靚模影啲相都幾靚。（想影？）都想，趁青春留倩影，可以畀仔女睇。」
靜候真命天子
至於緋聞舊愛張致恒（Steven）早前「受浸」，當日有份出席觀禮的Sherman也深受感動：「佢乖咗，冇以前咁調皮，依家都有聯絡，佢有時會用聖經內容鼓勵我。（有冇對象？）冇呀，等候中。」
Sherman性格予人堅強硬淨感覺，問到會否不解溫柔？她笑稱：「死都話自己溫柔，當我對住男友會變得好小鳥依人架，會幫佢揼骨。（結婚？）心目中想30歲左右啦！」
鍾舒漫對新歌《Take it》播放率不俗感到高興，認為可藉此發放更多正能量。
Sherman笑稱對住男朋友，會展示溫柔一面。
張致恒（右二）早前受浸，Sherman（左）亦有出席觀禮。
[
本帖最後由 草食男 於 2011-4-16 11:59 編輯
]
作者:
草食男
時間:
2011-4-16 11:57
(15/04/2011)鍾舒漫冧仔自認溫柔[太陽報]
出道五年的鍾舒漫，向來予人堅強獨立的感覺，惟她自言也有溫柔及善解人意一面，十足小鳥依人，她笑說：「死都要話自己溫柔啦！」
身為教徒的鍾舒漫（Sherman），緋聞不算多姿多采，最為人熟悉是她與同公司的張致恒（Steven）傳緋聞。自從以短髮示人後，Sherman予人堅強硬淨的女強人感覺，問到會否不懂溫柔？她笑說：「死都話自己溫柔啦！以前我對住男朋友，會變得好女仔，好小鳥依人o架！仲會幫男友鬆骨。（有冇對象？）依家冇呀！等候中。（想幾時結婚？）30歲左右。」對於緋聞舊愛Steven早前接受浸禮，當日有份出席觀禮的Sherman也大受感動：「佢乖咗好多，冇以前咁調皮，依家同佢都有聯絡，佢仲用番聖經內容鼓勵我。」
出書撼模
近日Sherman推出新專輯《It's a beautiful day》，新歌《Take it》獲得不錯反應，令她大感興奮：「歌詞都幾『洗腦式』，首歌充滿正能量，想話畀大家知，若然之前錯過任何機會，就應該好好把握，想做就做，人生唔係好長，今日唔知聽日事。」她表示不太擔心銷量，反而更着重口碑。除了出碟外，稍後她還出書及與友人合資開舖，工作忙碌。問到是否出書撼模？她笑說：「冇話撼唔撼，大家出書類型都唔同，但我都有留意佢哋之前嘅寫真，影得好靚，我都想趁青春留倩影，留畀將來啲仔女睇。」
自言有溫柔一面的鍾舒漫，只曾與同公司的張致恒傳緋聞。
鍾舒漫今年計劃多多，工作十分忙碌。
未有拖拍的鍾舒漫，等緊Mr. Right。
作者:
明治
時間:
2011-4-17 18:12
英皇小花...好耐都無聽過呢個名了!!
ohhh! shersher開舖?? 是賣衫的嗎 ???
作者:
樂此不肥
時間:
2011-4-19 15:19
多謝樓主的分享
令人對她加深認識
作者:
椰頭
時間:
2011-4-21 21:57
今年書展又要去啦!!!!!
歡迎光臨 Sherman Forum 鍾舒漫國際歌迷論壇 (http://forum.chungsherman.com/)
Powered by Discuz! 6.0.0
