Sherman Forum 鍾舒漫國際歌迷論壇

標題: (19/06/2011)鍾舒漫HotCha驚青鬥高[2份報導] [打印本頁]

作者: 草食男 時間: 2011-6-20 23:08 標題: (19/06/2011)鍾舒漫HotCha驚青鬥高[2份報導]

(19/06/2011)鍾舒漫HotCha驚青鬥高[東方日報]

英皇歌手鍾舒漫（Sherman）及組合HotCha昨日出席東方互動舉行的頒獎禮，四女不約而同穿上四吋高踭鞋示人，行路時都極為小心，眾人齊聲大讚on.cc即時新聞夠快兼準確。

昨日Sherman打扮靚靚與穿上短裙的HotCha以頒獎嘉賓身份出席「on.cc東方互動舉辦的《2011年十大我最喜愛本地Apps大賞》頒獎禮」，吸引近百歌迷到場支持，由於四女均穿上四吋高踭鞋，上落台均顯得小心翼翼。不時接受ontv訪問的Sherman透露每朝起身都到網站睇新聞，她說：「on.cc新聞上載係最快，真係好方便！」

問到會否與緋聞男友張致恒研究手機Apps？她說：「唔好咁講，我哋只係同事兼普通朋友。（佢係咪你杯茶？）唔係囉，唔好拉埋嚟講，出道講到依家。」問到對方有否約她出街？Sherman說：「都係一大班朋友，佢約食飯我唔會覺得有乜特別。（唔想拍拖？）想，不過唔係因為佢而想。」

鍾舒漫否認與張致恒玩地下情，直言對方唔係佢杯茶。

四女穿上四吋高鞋，行路時步步為營。

昨日有近百歌迷出席頒獎禮，場面熱鬧。

[ 本帖最後由草食男於 2011-6-20 23:25 編輯 ]

作者: 草食男 時間: 2011-6-20 23:12

(19/06/2011)鍾舒漫玩Apps唔玩地下情[太陽報]

鍾舒漫與3人組合HotCha昨出席on.cc東方互動舉辦的頒獎禮，四人均自稱是on.cc迷，每日都會上網站睇新聞，激讚「即時新聞」做得最好，勝過其他新聞平台！

鍾舒漫（Sherman）昨日與HotCha出席「on.cc東方互動舉辦的《2011年十大我最喜愛本地Apps大賞》頒獎禮」，Sherman透露不時與公司同事討論手機Apps，問到有否向緋聞男友張致恒請教？她說：「佢係同事兼普通朋友。（你哋玩地下情？）冇！」問到對方是否她那杯茶？她不留情面地說：「唔係囉！」

鍾舒漫強調與張致恒只是同事兼普通朋友。

HotCha（左起）與鍾舒漫接受on.cc主持俞詠文訪問。

作者: 樂此不肥 時間: 2011-6-21 22:30

佢的新型像係好成熟
給人耳目一新

作者: R.Ng 時間: 2011-6-26 12:36

舒漫那個妝,
靚到擋不了!!!!!!!!!!!!!!

歡迎光臨 Sherman Forum 鍾舒漫國際歌迷論壇 (http://forum.chungsherman.com/)