Sherman Forum 鍾舒漫國際歌迷論壇

標題: (07/10/2011)鍾舒漫泳兒約型男鬥氣[2份報導] [打印本頁]

作者: 草食男 時間: 2011-10-7 23:54 標題: (07/10/2011)鍾舒漫泳兒約型男鬥氣[2份報導]

(07/10/2011)鍾舒漫泳兒約型男鬥氣[東方日報]

Sherman（右）和泳兒互相幫忙拉筋熱身。

二人邊飲水邊傾密偈。

鍾舒漫和泳兒與型男教練齊齊跑步「鬥氣」。

曾是田徑校隊的Sherman的柔韌度一流。

同期出道的英皇歌手鍾舒漫（Sherman）和泳兒，雖然曾傳不和，惟沒有影響姊妹情，日前她們相約型男教練齊齊跑步「鬥氣」，期間還互幫對方拉筋熱身，Friend到爆！

分屬同門的Sherman和泳兒均是唱得之人，外間難免將兩人作比較，雖然曾傳出不和，但慶幸報道沒有影響姊妹情，日前Sherman和泳兒還相約型男教練跑步練氣，未正式跑步時，她們互幫對方拉筋熱身，泳兒的柔軟度明顯稍勝，期間泳兒見到有途人攜犬散步，她即禁不住撩狗玩，認真大唔透！

邊跑邊講女人經

及後Sherman、泳兒和教練「三人跑」，沿途有說有笑，不過跑到一半時，兩女表現甚為「索氣」，跑到汗流浹背，需要停步稍息及喝水，Sherman和泳兒邊喝水邊「吱吱噚」細聲講大聲笑。

曾在中學參加田徑校隊的Sherman表示，入行後少了時間跑步，故表現十分「索氣」。對於和泳兒傳不和，Sherman沒好氣說：「仲小朋友咩？好朋友唔講呢啲，大家各有特質，我哋有傾心事。」她大讚泳兒柔韌度一流，自己則屬於力量型的「大力妹」。

不和傳聞屬炒作

至於泳兒亦否認和Sherman不和，她說：「邊有時間爭寵吖？（不和？）好搞笑囉，不過有呢啲炒作都屬正常，但唔會影響我哋感情。（同Sherman爭教練？）唔係，只係教練好忙，我哋時間亦難遷就，所以索性約埋一齊跑。」

作者: 草食男 時間: 2011-10-8 00:01

(07/10/2011)鍾舒漫泳兒「鬥氣」證冇不和[太陽報]

鍾舒漫（右）和泳兒齊拉筋做熱身，姊妹情深。

泳兒（右）、鍾舒漫和教練練跑，跑到索晒氣。

英皇女歌手鍾舒漫（Sherman）和泳兒，日前相約型男教練跑步練氣！雖然曾傳出不和是非，但並無影響姊妹情，開跑前她們互幫對方拉筋熱身，期間泳兒見到有途人攜犬跑步，她即走過去逗狗仔玩，童心未泯！

Sherman、泳兒和教練有說有笑，惟跑到一半時已索晒氣兼大汗疊細汗，需稍事休息及飲水解渴，兩人邊喝水邊咬耳仔，Friend到爆。她們事後否認不和，Sherman說：「仲小朋友咩？好朋友唔講呢啲，我哋平時都傾心事。」泳兒亦說：「邊有時間爭寵吖？不和報道好搞笑！有呢啲炒作都屬正常，但冇影響我哋感情。（同Sherman爭教練？）唔係，只係教練好忙，我哋時間又難就，所以就約埋一齊跑。」

歡迎光臨 Sherman Forum 鍾舒漫國際歌迷論壇 (http://forum.chungsherman.com/)