(11/05/2011)陳偉霆鍾舒漫獲委戒味專員[新報]
新一代舞王陳偉霆（William）去年與鍾舒漫（Sherman）擔任一個護理品牌代言人後，深受一眾八十、九十後的喜愛，故今年廣告商再接再厲，委任二人為「戒味專員」拍攝新一輯廣告，「Chok住」帶領全港市民舉報味男味女！
這對合作無間的好拍檔今次化身成為「戒味專員」，並於全18區進行味男味女大搜尋，Sherman就再次成為代言人感到十分開心，並認為能夠連續成為同一品牌的代言人，有種專屬的感覺。她自言很喜歡廣告中的角色，並覺得很有創意，Sherman稱：「廣告中啲對白好搞笑但又要用正經同『Chok樣』講出o黎，所以最難係要忍住笑！」問到William會否舉報身邊有味的朋友時，鬼馬嘅佢話：「我會o架，仲會同時送支止汗劑畀佢，叫佢用多啲囉！」
着涼鞋保乾爽
拍攝當日，William同Sherman均以一身黑色西裝打扮，形象非常專業。對於平日甚少著西裝的Sherman，亦覺得好特別、好新鮮。問及她平日怎樣保持清新的感覺，Sherman說：「我盡量會令自己涼快啲，例如會著著較為透氣質地嘅衫、著多啲涼鞋，可以成日都保持乾爽，又唔會有汗味。」
可增加印象分
一直走向潮流尖端的William同Sherman均有用止汗劑的習慣，認為可以時刻保持清爽的感覺。除了工作上的默契外，這對好拍檔亦巧合地是止汗劑的超級粉絲，只要有新產品推出，他們必定四出搜尋，務求「一用為快」！Sherman表示：「如果有男仔用佢，我會覺得呢個人好注重整潔，印象都會好啲！」
