草食男

(13/05/2011)鍾舒漫推自家品牌隱姓埋名[東方日報]

鍾舒漫（Sherman）近年努力賺「人仔」，望今年內賺夠資本開設自家品牌店，賣衫、賣鞋、賣飾物，甚至日用品，實行「一網賺盡」。不過她一定不會用Sherman做品牌名，皆因怕客人只是慕名而來，而不是欣賞她的設計。

Sherman經常往返中、港兩地登台做騷，原來她除為供樓努力外，另一目標是儲夠「彈藥」開辦D.I.Y.自家品牌公司，出售由她設計、加工及縫製的物品，她說：「我自小受媽咪薰陶，我好鍾意自己車衫、車袋，我出trip用嚟裝衫鞋嘅袋，全部都係媽咪車畀我，比出面街嗰啲實用好多，好多同事都讚，所以都係一門好有潛質嘅生意。」

Sherman自言愛把新衫又剪又裁，加珠片及喱士，改頭換面，雖然遭同事笑她「攞苦嚟辛」，但她卻樂在其中，皆因覺得自己的衫可以獨一無二，又得到讚賞，那份滿足感，比穿幾萬元的名牌服裝更有優越感。她又說：「我最鍾意研究人哋啲首飾，我唔係睇吓有幾靚，而係點將佢哋拆件再砌番。」

網售或寄賣

問到幾時可開店？她預計最快要今年底，但地舖租金太貴，故只考慮做網上或寄賣生意，至於是否每件作品都出自她手？她說一定會，因為一手包辦才夠滿足感，但她不會起用自己的名字，她解釋：「因為我怕啲客係因為捧我場而買，所以我會諗一個特別嘅名，我要啲客係因為覺得我啲作品靚而買。」


鍾舒漫希望年底可實現自創品牌的心願，現正積極賺錢。


鍾舒漫甚有生意頭腦，希望將嗜好轉化成事業。


熱愛設計的鍾舒漫，過去也曾設計過環保袋。


鍾舒漫愛將服飾改頭換面，務求獨一無二。

[ 本帖最後由 草食男 於 2011-5-14 23:33 編輯 ]

草食男

(13/05/2011)鍾舒漫捱眼瞓揞名開舖[太陽報]

鍾舒漫希望今年內開設DIY品牌公司，「升呢」做老闆娘兼設計師，但她擔心被名氣所累，寧願「隱姓埋名」做生意！

今年才買樓上車一嘗業主滋味的鍾舒漫（Sherman），雖然供樓壓力大，但雄心萬丈的她近日再蠢蠢欲動，打算投資做生意，望於本年底成立DIY自家品牌公司：「我好鍾意設計時裝、飾物、鞋，甚至日用品，我啲設計好多同事都讚獨一無二，又靚又實用，我覺得係一條財路，真係有得做！」

問到何時開始愛上DIY？Sherman表示全賴母親自幼薰陶：「媽咪係縫紉高手，我細個啲衫全部都係阿媽用衣車車嘅！」她透露現時出Trip用的袋亦是出自媽咪之手，並大讚：「媽媽自己車嗰啲嘢比市面嗰個實用好多，又好靚！」她直言同事經常嘲笑她為車衫捱更抵夜，自討苦吃，但Sherman全不介意：「我車出嚟啲衫個個都讚靚！當佢哋問我喺邊度買嗰陣，嗰份滿足感完全可以抵銷捱眼瞓嘅辛苦，其實做自己鍾意做嘅嘢，係唔會覺得辛苦o架！」

保證DIY靚貨

問到打算在哪一區開舖？Sherman不諱言地舖租金太貴，難以達至收支平衡，故只考慮寄賣或網上招攬生意，但保證所有作品均是由她親手縫製，絕不假手於人。至於品牌名稱，她說：「我一定會用一個特別嘅名，但一定唔會用『鍾舒漫』囉！因為我怕啲人係為支持我而幫襯，而唔係因為欣賞我啲作品！」


早前才榮升業主的鍾舒漫，近日打算開舖做女強人，果然財來自有方。


在樂壇闖出一片天的鍾舒漫，不希望客人只因其名氣光顧。


Sherman坦言本港舖租貴，打算先寄賣或上網出售。




Sherman與媽咪感情深厚，其車衣天分亦盡得鍾母真傳。

melody

好期待..............一定好正！！！

twc1991

超期待
haha~~

樂此不肥

老實講若果禾幫襯只有一毎原因
因為佢係舒漫

明治

長頭髮嘅相呀！好懷念呀！

a-yu

一直都好崇拜鍾家手藝!!!
開左店一定要話俾我知呀!!T^T
不過身為sher飯,  唔開名都會遲早俾我搵到ga haha
love u and support!!!!   xxx

Lyh

做事頭婆嚕!!
到時睇睇妳嘅作品!