鍾舒漫對跳舞有份堅持，亦開竅的發現以前乏信心，所以未能發揮最好。
有了愛情滋潤，Sherman笑得特別甜！
鍾舒漫與緋聞男友Steven已被視為一對。
英皇歌手鍾舒漫（Sherman）推出第七張專輯，新碟象徵她踏入人生新階段，除如願打正旗號做跳舞歌手外，對感情亦有另一番體會，直認與傳復合的緋聞男友張致恒（Steven）關係好，早已到見家長地步。
Sherman視新碟為事業新里程碑，因今次得到唱片公司全力支持，為她推出一張全收錄跳舞歌的唱片：「因為商業因素，以往點都要收錄一、兩首抒情慢歌，但今次唔同，我好鍾意跳舞，就算要我跳死喺台度，都心甘情願。（係咪要做舞后呀？）又冇咁諗，有得跳舞已經好開心。」會否為配合快歌而作性感打扮？她笑言性感是一種感覺：「唔係指多布少布，夏天我會着得清爽啲，但唔係刻意、賣弄嗰種囉。」
增信心解疑團
以前跳舞Sherman總覺有不妥之處，但又找不出原因，今次推出跳舞碟終有新驚喜發現：「以前跳舞啲動作好似『有嘢kick住』咁，依家先知，原來係我欠缺自信，有咗信心，所有跳舞動作都發揮得好好！」
除了工作外Sherman對感情也開了竅，她一向很重視安全感，常憂男友說謊，隨着年紀愈長，明白一切要順其自然。那緋聞男友Steven是否曾欺騙她？Sherman不知道Steven有沒有呃過她：「但我覺得佢進步咗好多，好努力，有晒人生目標。」她仍堅稱Steven不是男友，但常會私下約會，甚至連Steven的父母也一早見過晒！
文：音樂組
髮型：Lobo Chung@CHIN．G
服裝：UponWitchee
