peg

Sherman鍾舒漫喺唔少少女眼中，可以話係新一代型女指標。某同事早前影〈g shock〉，同一個皮膚黝黑嘅女仔傾偈，就話個女仔覺得Sherman好有型，要學吓Sherman嘅服飾打扮咁話！對於有人讚佢型，Sherman就好謙咁講多謝大家欣賞，好開心大家將佢定位喺型人堆中！

似一隻彩雀
Sherman今個月20號又再出新碟喇，上次唱片嘅封面相出現一個爆炸頭，再攬住銅管跳舞嘅Look都幾令人印象深刻。今次出新碟，會唔會又繼續搞啲誇張嘢？型唔型先？「今次以綠色為主，好春天喎！型唔一定係要黑沉沉嘅！新碟以孔雀為主題，因為想用孔雀表達我嘅性格。好多人覺得我成日唔講嘢，好似好Cool好寸咁，其實我隻係同孔雀唔會成日開屏嘅原理一樣，唔係成日都Keep住個笑樣啫！」