zekezeke

媽咪姐手帳
英皇冷待林峯
2010年01月22日


當晚林峯要和鍾舒漫同坐一架保母車離開，得唔得寵，一目了然。而喺車上等林峯嘅鍾舒漫仲除定鞋，將辛辛苦苦攞到嘅兩個獎就咁放喺地下腳邊（紅圈）。

英皇狂擸獎，搞到當日唔少有睇直播嘅觀眾紛紛直斥賽果離奇，網友更將無綫《十大勁歌頒獎禮》改成《英皇勁歌頒獎禮》，又將「亞太區」重新定為「亞皆老街至太子道西地區」，諷刺無綫頒「亞太區最受歡迎香港男歌星」俾親生仔林峯。不過就算無綫幾錫林峯，英皇都只係當佢二線藝人看待。當晚慶功宴後，林峯一班粉絲高舉「實至名歸」冧偶像，氣勢強勁，不過英皇都只係安排佢同鍾舒漫「搭單」坐埋一架保母車離開，林峯地位係點，一睇就知。

其他內容與Sherman無關。