草食男

鍾舒漫（Sherman）最近特別推介一間明星熱捧食肆，這專營上海美食的小店，位於旺角西洋菜南街，名叫「正宗上海生煎皇」，而該店的老闆及主廚正是前歌手Oscar。


鍾舒漫穿上制服變身美女廚師。

Sherman日前專程落舖向Oscar偷師，穿上制服的她變身美女廚師學整生煎包及香酥餅，皆因這兩款小食是她的「飛佛」。Sherman表示：「之前我都幫襯過香港唔少上海食肆，但覺得Oscar整嗰啲生煎包最好味，因為皮脆又薄，一咬落去仲會爆汁，好濃嘅肉汁味，好味到令我尖叫。」

除生煎包是必食外，Sherman又提醒食家一定要試香酥餅，皆因食客可自選兩款配料，如雞蛋、肉鬆或肥牛等夾在餅中，是一般僅由麵粉造成的香酥餅難以媲美，Sherman話：「我上次就揀咗青瓜配芝士做餡料，呢兩款簡直係絕配。」Sherman覺得雖然Oscar的店不設堂食，只供外賣，但價錢平，平均消費為二十元已可食到飽飽，故相信Oscar這門生意可長做長有。


鍾舒漫對生煎包情有獨鍾。


鍾舒漫整香酥餅有板有眼。