草食男

年紀輕輕的鍾舒漫（Sherman），上月正式「升呢」成為「星級老闆娘」，跟好友合資開設舖頭售賣二手衫及畫作，完成年少時的創業理想！

Sherman跟好友Cman識於微時，兩人小時候已有共同創業夢想，雖然長大後各為生活忙碌，但並沒忘記曾許下的諾言，Sherman說與Cman識咗廿幾年，一齊讀art一齊成長，細時已經很想一起開舖頭，但成長後各有各忙，有好幾年沒有再提起此事。直至早前，二人閒談間，認為應趁年輕實現理想，便着手籌備首間舖頭「Dream Art Workshop」。

星級老闆娘生招牌

經過數月的籌備，新店終於在5月24日開幕，舖頭位於銅鑼灣一棟新開業的商場內，雖然地方細細只得二百多呎，售賣的物品種類繁多，衣服、鞋、婚紗及髮飾都有，稍後Sherman更會出售她的畫作，令店面充滿藝術氣息。Sherman說：「我賣二手衫，Cman幫人化妝，大家嘅理念係用藝術融入生活。」Sherman更在每件衫上記下曾穿着出席甚麼活動及價錢，讓客人更加了解該服裝的「出處」。

工作繁忙的Sherman每星期也會抽空到舖頭打點，笑言要以「星級老闆娘」作招徠：「試過有個客人見到我喺舖頭成個呆咗，又有啲客經過會對住我指指點點，咁都好，希望佢哋見到我會入嚟望吓，唔幫襯都冇所謂！」

婚紗飾物個人化

Sherman的店舖除了個人的二手衫和鞋之外，亦有婚紗、姊妹裙及大量婚紗禮服的飾物，這些大部分是Cman得意之作，其設計充滿個人特色，跟市面上林林總總的婚紗飾物更加別具一格，相信會令一眾新娘子愛不釋手。再加上Cman的專業化妝，絕對是靚爆全場，難怪Sherman一早book定Cman擔任她將來的婚禮御用化妝師。


Sherman月前秘密開二手店，一圓創業之心願。


結婚髮飾


潮鞋


好抵，埋嚟揀啦！


Sherman（左）與拍檔Cman。


Sherman經常到舖頭坐鎮，睇你好唔好彩撞到佢。