zekezeke

鍾舒漫粗口片外洩
2010年04月07日

阿 Sa（蔡卓妍）結婚又離婚已經手尾長，估唔到連師妹鍾舒漫都領嘢，最近 YouTube流出一段鍾舒漫疑似爆粗短片，着住黑背心短髮 man爆的鍾舒漫，對住陳偉霆大爆「 X你！」好順口，網友鬧佢爛口有失基督徒身份。不過當事人堅稱冇爆粗只係話：「點呀你！」唔使開記招澄清啩？


激爆粗︰×你！(真實對白)
之後鏡頭影到陳偉霆，舞王即興奮到除衫扭腰跳艷舞，鍾舒漫一見就大叫：「×你！」然後條片離奇消音冇晒聲約 5秒。

最近「 EEG助手俱樂部」網誌上載一段名為「新城容祖兒我的女皇音樂會 show後感」嘅短片，本來條片係由當日有份出席嘅英皇歌手包括鍾舒漫、洪卓立同陳偉霆等人講吓騷後感，點知陳偉霆一見助手揸機訪問，竟然 high到除衫跳艷舞， Sherman見到即忍唔住爆咗句疑似粗口：「×你！」之後一段說話明顯遭人事後消音，更令人懷疑鍾舒漫一輪嘴粗口橫飛！

網友睇完鬧鍾舒漫爛口，又話唔再買佢唱片。鍾舒漫對本刊說：「我知道條片出街後，有人話我爆粗，我自己都好愕然，我係話『點呀你！』咋！不過我自己冇講過就得啦，咪當笑料一則囉！」你睇，人哋話自己係純情好女仔，大家記得聽清楚喎！


High除衫︰寬緊衣喎！(真實對白)Yeah！(真實對白)
條片一開波就見到鍾舒漫想除咗洪卓立件外套，成班後生仔在後台玩到 high晒！


又祈禱︰多謝神(真實對白)
疑似爆粗後，鍾舒漫又捉晒所有人一齊祈禱，話好多謝神可以讓佢同一班兄弟同台演出好開心。


出事 blog
呢個名叫「 EEG助手俱樂部」的網誌內，一向鍾意放啲英皇旗下藝人的後台或者綵排時過癮片段，今次大意中伏，下次再放片就小心啲啦！


Sherman出晒名係基督徒，去年仲試過同江若琳一齊去聽潮牧師 Jaeson Ma佈道會。


我自己冇講過就得，咪當笑料一則囉！
鍾舒漫一向跳得又 sexy，早前唱〈給自己的情書〉連 Sammi都在演唱會上翻唱，有前途 o架！


洪卓立
我識 Sherman咁耐都未聽過佢講粗口，雖然句說話真係好似講粗口，但呢次真係誤會啫。


陳偉霆
其實真係收音問題，佢見我開心到除衫，忍唔住話我：「點呀你！」我企喺佢隔籬聽得好清楚。


經理人方婷
之前公司都有人問過好唔好放段片出來，不過 Sherman真係個乖女，都唔會有人相信佢會講粗口，如果真係有人誤會咪當宣傳囉。

ShermanJoyce=]

搞錯牙
唉.sherman又比人屈!

zekezeke

我估大家睇完可能火都嚟, 但我唔想報喜不報憂, 所以選擇post出嚟.

我信Sherman o架!!

草食男

其實早幾日我在某forum已經見到有人討論呢單野,不過估唔到畀人攞出黎報導
同埋我聽左好多次都聽唔到粗口囉!!

[ 本帖最後由 草食男 於 2010-4-6 23:28 編輯 ]

失而復得

我都會企係SHERMAN果邊架

Kim

EEG今次高招WO..........

nganying

呢單野真係好耐之前係某forum見過人討論--
明明就係講點啊你 點解條片咁岩冇左聲幾秒架 失敗 唉

椰頭

d人隻耳好明顯越越地..整整佢啦!!!= =
"點呀你"可以聽成"x你"囉!!!!!!!
Sher今次真係好無辜!!!!!!

Man

呢條片一早已經睇過,先勿論Sherman有無爆粗,我覺得成件事直情係有兩大「笑」點!
第一,我堅係想知邊個咁醒決定放條片出黎,究竟知唔知乜野叫瓜田李下,放段咁0既片出黎仲要明知有野唔出得街消晒音,做乜唔直接剪走果段呢?究竟真係想搏見報定點先?
第二,當時咁嘈咁多人點解唔可以係其他人(例如拍攝者、其他助手)爆粗而一定係Sherman爆粗?我睇過段片係無粗口,只有一段俾人消晒音,如果post果個係智力正常,咁應該佢係自問當時無星爆粗先會post,咁又點會係D星爆粗先?
總而言之,決定放條片出黎果個真係好醒囉

peg

本來無一物
何處惹塵埃

明治

我一早都睇左條片!! 完全唔覺得講左粗口囉~
哈哈!! 只好說今次幫助手blog宣傳宣傳...

emily_wwt

shersher好慘啊!!!!!!!!!

ｙinn

鍾舒漫一向跳得又 sexy，早前唱〈給自己的情書〉連 Sammi都在演唱會上翻唱，有前途 o架！

FACE 冇野啊 !

mamaclovis

我相信SHERMAN不会講粗口。系有D人心斜遮！

rickyka

：「×你！」之後一段說話明顯遭人事後消音，更令人懷疑鍾舒漫一輪嘴粗口橫飛！
= = "
sherman 個個time 都無出聲= =
只係笑之ma