鄭家維與鍾舒漫應節學整月餅，有板有眼。
鍾舒漫希望今年能約朋友過中秋。
兩人小心翼翼將月餅放進焗爐。
鍾舒漫與家維看着自製的月餅，流晒口水。
鍾舒漫（Sherman）和師弟鄭家維日前應電台邀請學整月餅應節，但鬼馬的家維不時在旁搗蛋，害Sherman不慎將快完成的月餅壓扁，怒極的Sherman狂睥兼警告家維：「你信唔信我將你搓圓P扁？」
為迎接中秋節來臨，日前Sherman相約家維到某餅店學整傳統及冰皮月餅，初時Sherman和家維十分合拍將材料拌勻，又將各種豆沙、綠豆蓉、芝麻及蓮蓉等包進月餅皮中。正當Sherman拿了一個「小熊維尼」的倒模將月餅壓入之際，百厭的家維突然說：「咦！你都鍾意『維維』㗎？係咪你一邊㩒，我要一邊叫唔好呀？」Sherman聞言忍不住大笑，不慎將手中的月餅按扁，事後Sherman怒睥家維表示：「最衰都係你，信唔信我將你搓圓㩒扁？」
恨同朋友過中秋
眼見師姐發火，家維馬上「耍冧」，並主動要求親手弄月餅給師姐吃賠罪，Sherman才重展笑容。之後二人夾手夾腳將已完成的月餅放進焗爐，待月餅出爐後又一齊品嘗。Sherman一吃即大讚：「啲冰皮月餅真係皮薄餡靚，等我陣間打包一盒走先！」
問Sherman於中秋節可會相約友人？她謂：「我每年中秋節都要做嘢，已經好多年冇約朋友去玩，希望今年有機會啦！我最想同朋友去BBQ同賞月。」家維則稱每年均會和家人食飯做節，之後才相約友人外出狂歡。
[
本帖最後由 ｙinn 於 2009-12-22 18:27 編輯 ]
